2004 Ano da Música
Conceptualización do evento “2004 Ano da Música” para o Concello de Pontevedra con motivo do centenario da gravación do primeiro disco galego. O noso equipo encargouse da creación da marca e logotipo, así como da restauración e reedición dos catro discos históricos de Pontevedra, entre eles, a primeira gravación galega.
A Concellaría de Cultura de Pontevedra recibiu o Premio da Crítica de Galicia no apartado de Música pola programación do 2004 Ano da Música. Polo mesmo motivo, o Concello de Pontevedra compartiu con Ouvirmos o premio Recuncho da palleta-Radio Galega 2004.
A gravación do primeiro disco en Galicia foi un feito histórico que tivo lugar no ano 1904 coa participación do Coro Aires da Terra de Perfecto Feijoo. A iniciativa parte do empresario coruñés Pedro Ferrer, editor da revista Portfolio Galicia, que contrata os servicios da Compañía francesa Gramophone que despraza un vehículo motorizado á Coruña no que se gravan 22 temas do coro.
Para o evento deseñamos, producimos ou editamos:
- Logotipo conmemorativo
- Disco Aires da Terra. 1904
- Disco Sociedad Coral polifónica de Pontevedra
- Disco Manuel Quiroga & Marta Leman. Vol I
- Disco Manuel Quiroga & Marta Leman. Vol II
- Obradoiros infantís e xuvenís
- Video clip promocional
- Banda sonora orixinal
- Ciclo Concertos comentados
