Unha visita a través das rúas e da historia musical da cidade na que naceu Frei Rosendo Salvado. Compositor e intérprete do século XIX que deu os seus primeiros pasos na catedral de Tui, e que posteriormente levaría a súa música até a misión que fundou en Australia. No templo tudense consérvanse numerosas xoias artísticas, entre elas, unha chirimía inglesa do século XVIII. Tui é a cidade dos primeiros Xogos Florais celebrados en galego o 24 de xuño de 1891.