Aires da Terra: 1904. O primeiro disco galego.
En 1904 un estudo móbil da Compagnie Française du Gramophone desprázase de París até a cidade da Coruña para impresionar ao Coro Aires d’a Terra de Pontevedra (1883-1914) dirixido polo lendario gaiteiro Perfecto Feijóo. Un total de 18 melodías editadas orixinalmente en discos de gramófono que se constitúen como as máis antigas gravacións existentes sobre a tradición musical galega.
A reedición dos primeiros discos galegos presentámola nun formato especial de máxima calidade con catorce páxinas. Ten como língua principal o galego e inclúe libreto explicativo en inglés, francés e español.