Catálogo / A Tiracolo
A colección de gravacións históricas A Tiracolo ten como obxectivo a recuperación, restauración sonora e dixitalización das grandes obras editadas da música galega con anterioridade ao ano 1954.
A colección está formada por 15 obras, en formato exclusivo de Disco-libro, con traducións ao español, inglés e francés. Grazas a esta colección, a sociedade dispón do son orixinal de todos os intérpretes, como de Manuel Quiroga ou dos gaiteiros de Soutelo; así como da primeira gravación do himno ou do primeiro disco galego.
Con este proxecto recibimos no ano 2008 o Premio da Crítica de Galicia no apartado de Música pola “novidade da formulación editorial desde o punto de vista discográfico, a posta en valor da historia musical galega e a recuperación do patrimonio musical”.
Publicacións da Colección
Banda Batallón Mérida de Ourense
As primeiras gravacións dunha banda en Galicia
Hermanos Moreira
A música dos primeiros galegos en gravar pezas con acordeón
Os Dezas de Moneixas
Un documento que nos descobre unhas fitas enviadas a Caracas
Sociedad Coral Polifónica
Unha xanela aberta a Europa no coralismo galego dos anos vinte
Coro Toxos e Froles
Esta obra recolle a primeira gravación íntegra do Himno Galego
Manuel Quiroga & Marta Leman. Vol II
Un diálogo interno excepcional entre o violinista e a súa muller
Manuel Quiroga & Marta Leman. Vol I
O neno prodixio Manuel Quiroga foi escoitado en Europa e América
Manuel Dopazo
Recuperación das gravacións do máis grande gaiteiro de América
Los Monfortinos
Recompilación íntegra das gravacións da agrupación de charanga
Os Gaiteiros de Soutelo
A primeira vez que se compilan todos os rexistros sonoros de 1928
Os Montes de Lugo
Gravacións inéditas de ensaios e concursos realizadas nos anos 70
Cantigas e Agarimos
Primeira gravación do maior éxito da música galega, a Rianxeira
Coro De Ruada
Históricas gravacións do Coro para a casa Regal en 1929
Cántigas da Terra
Escoita restaurados os discos de gramófono do ano 1921