Os “Cinepoemas” de Claudio Rodríguez Fer viaxan a próxima semana até Madrid. O sábado 25, ás 19.00 horas, estaremos presentando a obra no Centro de Arte Moderno con entrada gratuíta até completar aforo. Intervirán na presentación o autor, Claudio Rodríguez Fer, e a editora gráfica do libro, Cristina Fiaño, xunto a Francisco Rodríguez Pastoriza, xornalista cultural e Claudio Pérez Míguez, coordinador do Centro de Arte Moderno.