En vésperas do Día das Letras Galegas, valoramos as iniciativas institucionais para celebrar a nosa literatura, pero encántannos tamén as alternativas promovidas pola sociedade civil. Unha delas, a da plataforma A Sega, que por segundo ano consecutivo reivindica o Día das Galegas nas Letras. Esta mesma semana desvelaron o nome da escritora María Victoria Moreno, á que lle dedicarán esta xornada festiva que se desenvolverá o próximo 15 de agosto.