Xa temos o cartel de actividades programadas para este segundo trimestre no Centro de interpretación Terras do Miño no Paseo do Río Rato en Lugo. Tres meses cargadiños de roteiros pola natureza, obradoiros de micoloxía, de elaboración de conservas, de cervexas e de licores así como cursos de rastrexo e actividades medioambientais infantís, entre outras propostas. Lembrade que todas as actividades son gratuítas mais requiren inscrición previa, xa que as prazas son limitadas. Podedes consultar aquí o programa completo.