Estaremos presentes hoxe, Día Mundial do Libro, no acto de lectura do manifesto de convocatoria e constitución do Foro Reimprímete, secundado por máis de 500 empresas. Unha iniciativa da Asociación Galega de Editores e do Clúster Gráfico e do Libro Galego que reivindica a importancia cultural, educativa e socioeconómica do papel, do libro e da propiedade intelectual dentro do proceso de hibridación que se establece coa intervención dos novos soportes tecnolóxicos. O acto terá lugar na rúa do Vilar, 19, en Compostela ás 11.00 h e a lectura do manifesto correrá a cargo da escritora Rosa Aneiros. Feliz Día do Libro!
