“Hemingway & Gellhorn”, a película de Nicole Kidman e Clive Owen, que inclúe na súa banda sonora a “Negra Sombra” da Coral De Ruada, vén de ser estreada por Canal Plus. Durante todo o mes de setembro, a cadea emitirá até dez pases da película que narra a historia de amor que xurdiu entre o escritor Ernest Hemingway e a xornalista Martha Gellhorn en plena guerra civil española. O telefilme da HBO compite con 15 nominacións aos premios Emmy 2012.