Remata o ano Lois Pereiro

A pouco de rematar o ano Lois Pereiro, e como peche de homenaxe querémosvos recomendar unha actividade.

Non, non é o polémico Congreso “secreto” que organiza a Real Academia, senón un acto homenaxe que celebran o día 17 de decembro na vila natal do poeta, O Incio.

Ás 19 horas descubrirán unha placa conmemorativa cun poema de Pereiro na Praza do Concello, e seguidamente, as 19.30 horas Marica Campo, Olga Novo e Manuel Rivas darán un recital poético.

Esta tamén pode ser unha das últimas oportunidades para ver en directo ao grupo Ondas Martenot, creado exclusivamente como tributo a Lois Pereiro. A banda actuará xunto con A Quenlla ás 22 horas no antigo mercado gandeiro do Incio.

E até o 23 de decembro tamén podedes visitar no IES de Ponte Caldelas a exposición “Punto de información multimedia Lois Pereiro”. Esta instalación, que ven de itinerar por varias vilas e institutos galegos, afonda na figura do poeta dunha forma dinámica e innovadora, cunha pantalla táctil de 46” que presenta un programa interactivo e dinámico sobre a súa vida e obra.

Bo final do ano Lois Pereiro.

Para o 2012 desde Ouvirmos teremos novidades relacionadas co poeta do Incio!

Uso de cookies

Este sitio web utiliza cookies para garantir a mellor experiencia de usuario. Ao navegar está dando o seu consentimento para aceitar os mencionadas cookies e a aceptación da nosa política de cookies, clique a ligazón para máis información. ACEPTAR

Aviso de cookies