Abre en Monforte a exposición do Ano Lois Pereiro

O pasado venres 1 de abril inaugurouse en Monforte a exposición do Ano Lois Pereiro. Un cento de imaxes do seu álbum familiar, a gravación do último recital de Lois no café Moka e unha selección dos seus poemas musicados forman parte de “Lois Pereiro. Camiño do futuro libremente”, a mostra que aspira a converterse nun exercicio colectivo de lembranza do poeta.

Cartaz Expo LP
A relación de Pereiro con Monforte é protagonista desta exposición interactiva que convida a todos os monfortinos a participar activamente nela.

Colle un post-it e exprésate
Seis grandes paneis mostran imaxes colectivas, onde Lois aparece xunto a monfortinos anónimos que compartiron instantes da súa vida e quedaron inmortalizados nas fotografías que agora recuperamos. Os visitantes teñen á súa disposición post-its, onde poden deixar por escrito o nome das persoas que identifiquen, mensaxes e comentarios, que serán pegados sobre as imaxes. Cada unha das achegas dos visitantes alimentará e transformará día a día esta exposición en constante construción.

Lois Pereiro. Camiño do futuro libremente
Do 1 de abril ao 31 de maio
Casa da Cultura
Praza de España, 3
Monforte de Lemos

Uso de cookies

Este sitio web utiliza cookies para garantir a mellor experiencia de usuario. Ao navegar está dando o seu consentimento para aceitar os mencionadas cookies e a aceptación da nosa política de cookies, clique a ligazón para máis información. ACEPTAR

Aviso de cookies