Restauración das gravacións históricas da Coral De Ruada

O disco, incluído na colección A Tiracolo, titúlase Escena Coral Galega e contén a restauración das gravacións que o Coro realizou en 1929 para a casa Regal, nun dos seus mellores momentos artísticos.

Portada De Ruada Na altura o director do Coro, Daniel González, en colaboración co escenógrafo Camilo Díaz Baliño, e baixo a presidencia de Lameiro, creou as Escenas corais galegas, a maior contribución de De Ruada ao coralismo galego. Estas escenas eran representacións parateatrais nas que se conxugaba música, escenografía, coreografías e iluminación na busca da arte total.

Entre as pezas restauradas destaca o Canto d’as chirimías. Os propios menestreis da catedral, nunha colaboración extraordinaria, tocan con instrumentos orixinais a Marcha das chirimías, peza de arredor do s. XVI que se intrepreta na catedral compostelá nalguns acontecementos. Escoitas un documento insólito: a primeira gravación de repertorio das catedrais galegas.

Un disco para recuperar a memoria musical ourensá.

Uso de cookies

Este sitio web utiliza cookies para garantir a mellor experiencia de usuario. Ao navegar está dando o seu consentimento para aceitar os mencionadas cookies e a aceptación da nosa política de cookies, clique a ligazón para máis información. ACEPTAR

Aviso de cookies