Queremos convidarvos a un grande acontecemento: o concerto de presentación do disco de Manuel Quiroga De violino e piano.
O próximo 10 de xuño, ás 12.30 h., no Teatro Principal de Pontevedra, a Real Filharmonía de Galicia dirixida por Maximino Zumalave, e con Gregori Nedobora ao violino, interpretará o seguinte programa: o Concerto para violín e orquestra de corda de M. Quiroga, a Suite no estilo antigo de Andrés Gaos e as Catro bagatelas de Rogelio Groba.
Manuel Quiroga (Pontevedra, 1892-1961) foi un dos violinistas máis extraordinarios de todos os tempos. Agora volve a ser escoitado e recoñecido na súa vila natal como xa o fora na súa época.
