Cociña infantil e familiar: Xeados

O libro máis refrescante de toda a colección de Cociña infantil e familiar. Un volume monográfico dedicado ao universo dos xeados. Vinte receitas creativas coas que animar unha merenda, unha festa ou coas que poñer o punto final perfecto calquera comida en familia. O abano de posibilidades vai moito máis alá do polo, cornete ou copa, con este libro descubrirás todo un novo mundo de orixinais formas de presentar as túas sobremesas xeadas. Un oasis, unhas xoaniñas, uns pitiños, unhas arañas ou uns tabeiróns ben fresquiños espérante nas máis de 50 páxinas deste volume para transformarte nun auténtico masterchef dos xeados. O libro compleméntase con diversos consellos e trucos ademais dun completo texto que nos desvela a historia do xeado e moitas outras curiosidades ao redor deste produto.