Cantares galegos | Resonet | Selo Ouvirmos

Rosalía de Castro nos seus Cantares Gallegos glosou coplas populares. Agora é Resonet quen toma dos cancioneiros populares as melodías das cantigas nas que se inspirou a propia Rosalía para musicar aqueles poemas. Unha nova visión da poesía de Rosalía que quizais imite ás recreacións que a escritora facía cantando e acompañándose de piano, arpa ou guitarra.

Esta coidada edición inclúe un libreto de 88 páxinas cos poemas orixinais e traducidos a castelán, inglés, e francés.