Pito galego. Método práctico

O primeiro método de Pito Galego. Unha obra que contribúe a mostrar as posibilidades musicais deste instrumento e facilita a súa aprendizaxe, empregando unha metodoloxía progresiva e baseada no noso repertorio tradicional.

O método de pito galego nace para prevalecer no tempo e servir de guía ás xeracións futuras, garantindo a supervivencia do pito e contribuíndo ao asentamento do seu ensino, fixando a traxectoria histórica evolutiva, e da técnica do instrumento.

• Orixe e evolución do instrumento.
• Estudo dos distintos pitos acompañado de fotografías ilustrativas.
• Máis de 200 exercicios progresivos de técnica, articulación, afinación, respiración…
• Máis de 50 melodías tradicionais ordenadas por grao de dificultade.
• Obradoiro para construír o teu propio pito de cana e moito máis.

Este libro compleméntase coa versión web do proxecto, www.pitogalego.gal, un espazo que inclúe máis de 250 gravacións de audio e que pretende seguir vivo en intercambio cos lectores.

Desde o esforzo e dedicación por mostrar e aprenderlles aos máis novos a súa importancia e a súa versatilidade musical, chega este método didáctico, escrito con fluidez e achegado á sensibilidade do amor polo noso, cun obxectivo claro, en canto á contribución e asentamento da base do ensino da traxectoria histórica evolutiva e da técnica do pito pastoril. 

Antón Corral

EDICIÓN ESGOTADA