As cartas sonoras | Os Dezas de Moneixas | Col. A Tiracolo

Os Dezas de Moneixas supoñen para o conxunto da música tradicional galega unha das principais referencias do século XX. Desgraciadamente o feito de non teren publicado gravacións en vida do grupo, supuxo que con o paso do tempo o seu referente comezase a debilitarse.
A comunicación entre a emigración galega e os seus familiares mudou radicalmente cando nos anos 60 se universalizou o uso do magnetófono. Os Dezas de Moneixas participaron na gravación dunha serie de fitas enviadas a familiares en Caracas que hoxe se nos descobren como un documento de excepción: as cartas sonoras.